Ég veit svosem ekkert um það.............

...............hvað VG er að hugsa um Nató, en mér finnst ríkisstjórnin í heild sinni haga sér eins og óþekkir krakkar sem vilja helst vera í "fighting" við allt og alla og þá er sama hvort það er innan eða utan eigin flokks.   Mikið djö..... er ég þreytt á Jóhönnu, Steingrími og co, þegar kellan var nú að rausa á þinginu sem þeir héldu um helgina, heyra þetta bull, mér varð bara óglatt.   Hvað ætli við þurfum að búa við þetta lengi?  hvenær fer að létta til?  hvenær á að sýna landanum í verki að við séum einhvers virði?  seint og um síðir geri ég ráð fyrir, við verðum skattlögð ofaní gröfina.  Fuss og svei.

 

 

„Átakanlegt yfirklór VG“

Fyrir og eftir NIVEA !!

Ágætt að tengja umfjöllun mína um kremin góðu við þessa frétt.  Ég hef aldrei verið "photosjoppuð"  en mikið gasalega held ég að ég yrði hugguleg   

Nú er að verða kominn mánuður síðan ég skipti algjörlega yfir í NIVEA krem og ég verð að segja að munurinn frá því að vera á DIOR og svo núna er nær enginn ennþá.  Húðin er mjúk og greinilega vel nærð, falleg áferð og hraustlegur litur, hef ekki þurft að nota sólarkremin ennþá þar sem ég hef ekkert verið í sól en vonandi kemur að því.  Body kremin eru fljót að renna saman við húðina og það er satt sem þeir segja að þetta smitar ekkert í föt, hægt að klæða sig strax á eftir.  Ég komst að því með andlitskremin að maður þarf að nota mjög lítið, alls ekki að bera mikið eins og ég gerði áður, þetta er semsagt bæði drjúg og góð vara.  Ég nota black/whit svita kúluna og hef ekki enn séð lit í fötum, en það verður spennandi að fylgjast með því.   Augnpenninn er kaldur og svalandi og gott að bera á sig, tíminn leiðir svo í ljós hvort augun lagist eitthvað, þau gerðu það ekki með fína dior pennanum síðasta ár svo nú er bara að sjá til, kannski er ekki hægt að minnka pokana á augnlokunum, ég er ekki spennt fyrir aðgerð svo að á meðan þetta hefur ekki áhrif á sjónina geri ég ekkert meira.  

Ég gaf dóttir minni brúsa með kremum á börnin og þau eru ánægð með  það.

 

Allavega er niður staða mín í bili sú, að ódýru nivea kremin eru að gera mér sama gagn og dýru dior kremin svo ég veit hvað ég vel. 

 

Fyrir og eftir: Madonna óþekkjanleg

Falleg frétt í mynd og máli.

Það er yndislegt að lesa svona frétt og horfa á myndina sem fylgir.  Fyllir mig bjartsýni og dugnaði sem aldrei fyrr.  Nú er um að gera að drífa sig út í blíðuna sem býðst í dag og njóta vel.  Fjör í Flóa og fleira í boði hér í næsta nágrenni.  Njótið dagsins kæru bloggarar, skoðum lífið ekki vera innipúkar. 

 

 

Blómlegt í Mýrdalnum

Guð er genginn í lið með okkur !!!

Hér er byrjað að rigna og ég er alsæl, nú þarf helling af þessu ódýra hreinsiefni yfir sveitir sunnan og austan lands og reyndar hér á Selfossi líka, mikið er ég þakklát fyrir þessa bleytu.  Hvað er þá hægt að biðja um meira í dag???  ekkert ég er sátt.

 

Hreinsunarstarf gengur vel

Þetta er þá líklegast það eina sem við Jóhanna .......................

............................ höfum verið sammála um í háa herrans tíð.  Ég gleðst yfir minnkandi gosi, svo vona ég að það hætti að snjóa fyrir norðan og austan, en er ekki heimskuleg bjartsýni að halda að ríkisstjórnin fari að vinna fyrir okkur fólkið í landinu. Hvað segið þið um það????

 

 

Annars er ég að skúra ösku, þarfasti þjónninn í dag er blaut tuska. 

Dáist að bjartsýni fólksins

Krakkar hvað er í gangi????

Ég er bara orðlaus yfir tíðinni og gosinu. Ætti þá líklegast ekki að vera að skrifa hér fyrst ég er orðlaus, en en...  æ, þetta er hörmungarástand.  

 

 

 

GUÐ BLESSI ÍSLAND: 

 

 

Allt á kafi í snjó á Egilsstöðum

Ástarljóð til þín í öskuna skrifa en vindur feykir þeim burt.!!!

Æ, hvað segir maður þegar svona hörmunar dynja yfir landinu okkar.  Ég er sorgmædd í dag yfir ástandinu. Var farin að hlakka til sumars með engri ösku og engum gosum, bjartari tíð fyrir land og þjóð en þá skellur þetta yfir.  Verð að viðurkenna að ég hef ekki verið svona sorgmædd í mörg ár eða döpur yfir ástandinu.  Hvað er til ráða? verður maður ekki að spýta í lófana og hressa sig við, taka upp tusku og vatnsfötu og hreinsa til hér heimavið, ekki get ég boðið mig fram í hjálparstörf með mína skítlegu heilsu.  Mér fannst alveg skelfilegt að sjá fallega Breiðamerkurlónið okkar kolsvart, fer þetta af í rigningu?  bið þann/þá sem öllu ráða að senda okkur rigningu og rok og mikið af því.  

 

 

 

 

Kolniðamyrkur á miðjum sumardegi

Svona er þetta á Selfossi núna. Ekki vildi ég vera nær.

 

 

Allir úti að smala

Þið sjáið fj... öskuvegginn hérna.

Svona lítur þetta út frá Selfossi núna.  Ekki fallegt.

  Efri myndin er beint í áttina að gosinu, sú neðri á öskuvegginn.

 

 

 

 

„Þetta er allt kolsvart“

Er Ísland og Íslendingar haldnir athyglissýki á háu stigi.???

Reyndar er þetta nú sett fram í fullkomnu gríni hjá mér, allavega með landið okkar. En þar sem hluti jarðarbúa bjóst við "einhverju" í gær, þá gat litla unga landið okkar hugsað sér annað en að fylla aðeins upp í þær væntingar, Ísland er jú yngsta landið á hnettinum og hagar sér því oft eins og yngsta systkini í stórum hópi.  Oft finnst mér líka að við Íslendingar ólátumst meðal þjóða og við teljum ansi oft að þær reglur sem ganga yfir aðra eigi bara alls ekki við um okkur.  Við erum ung þjóð með öllum einkennum sem unglingsárin prýða, höldum að við verðum eilíf og teljum alls ekki ástæðu til að læra af reynslu annarra.  

 

 

 

Við tökum ekki einu sinni mark á veðurspánni hvað þá annað. 

Dómsdagur leið tíðindalaus hjá