Afhverju var ég sofandi ??

Steinsofandi inn í draumaheimi missti ég af þessum mikla bruna.  Mér hefur reyndar fundist þetta vera óttalega ljótar byggingar núna síðustu árin og tel það næstum því gott að þetta er horfið af yfirborði jarðar og verður hreinsað til, kannski að það verði þá hægt að byggja upp huggulegan stað sem dregur að útlendinga jafnt sem Íslendinga.  Eden á stað í hjörtum margra, þarna kíkti maður sunnudagsrúntinn í den og gaf börnunum ís og fleira.  En staðurinn var orðinn illa farinn. Vonandi er þetta vel tryggt þannig að þeir sem gætu tapað á þessum bruna fá sitt bætt.

 

Eldurinn öskraði

Athugasemdir

[Ásthildur Cesil Þórðardóttir, 22.7.2011 kl. 12:04]

Æ já þetta er óttalega sorglegt, en gott samt að það gerðist um nótt en ekki þegar fólk var við vinnu og gesti.  Það hefði getað farið illa miðað við hvernig bruninn bar að.

[Axel Jóhann Hallgrímsson, 22.7.2011 kl. 14:37]

Það er alltaf sorglegt þegar svona skeður, þetta er án vafa stórt fjárhagslegt tjón fyrir Hveragerði og ekki síður tilfinningalegt.

Það hafa tæplega 4000 manns kvittað á Fésbókarsíðu til minningar um  Bóbó, "apann" í Eden, sem brann inni.

[Kidda, 22.7.2011 kl. 15:40]

Það var sosum kominn tími á upplyftingu á Eden, vonandi verður aftur byggt þarna. Sé mest eftir páfagaukunum og bananatrénu. Reyndar hef ég ekki komið þarna í mörg ár.

[Guðmundur Ásgeirsson, 22.7.2011 kl. 16:21]

"Reykjarmökkurinn náði 2,5km hæð"

Enn einn mökkurinn stígur hátt til lofts í sjónlínu við þig Ásdís, í þetta sinn ekki vegna eldgoss heldur stórbruna.

Mesta mildi að það var logn, því miðað við stærðina á bálinu hefði það í hvassviðri getað breiðst hratt út í nærliggjandi byggingar, og ekki hefði heldur verið gott að fá svartan reykinn yfir byggðina í Hveragerði.

Kveðjur austur fyrir fjall.

[Ásdís Sigurðardóttir, 22.7.2011 kl. 16:25]

Já, maður gleðst yfir að ekki fór verr.