Skelfilegur atburður, en....

.... ég stoppa örlítið við loforð um réttlæti.  Hvernig getur forsetinn lofað einhverjum réttlæti eftir svona hræðilegan atburð?  minnir mig á stóru orðin eftir 9/11, veit nokkur enn hvað raunverulega gerðist.?  í þessari árás núna tók ungur maður sig til og ákvað að vera "voða fyndinn" að eigin mati og hleypa lífi í spennumynd sem fólk hefur beðið eftir eins og ekkert sé meira spennandi í veröldinni en sá brenglaði veruleiki sem þar er sýndur. Slík var spennan að kornabörn voru á sýningunni, ég er hrædd um að vandamálið sé miklu meira og dýpra en Obama sér fyrir sér.  Stór hópur fólks virðist veruleika firrtur og lifir hreinlega í "öðrum heimi" ótengt við raunveruleikann og það elur af sér geðveiki og svona hrylling eins og við höfum nú séð. Því miður er ég þess fullviss að það er aldrei hægt að vernda bandaríska þjóð fyrir svona atburðum, geðveikir einstaklingar sem spá ekkert í afleiðingar gjörða sinna verða því miður alltaf til og ég er hrædd um að þeim muni bara fjölga í kjölfar alls þess sem í boði er í afþreyingar iðnaðinum og öðru.  Þó ljótt sé, má í versta falli segja, að hin ímyndaði veruleiki hafi bitið í rassgatið á sjálfum sér, einn einstaklingur sem tók "grínið" of langt og eftir lágu 14 í valnum. 

Obama hughreystir þjóð sína

"The contract is lying in the harbour.!!"

Það var hér á árum áður, þegar Íslendingar voru ekki eins forframaður í ensku að einn góður útgerðarmaður snaraði "samningur í höfn" yfir á ensku með þessari yndislegu útkomu, þetta kom upp í huga minn við lestur fréttarinnar.

 Mig langar að benda fólki á og ekki síst ÖGMUNDI að þetta eru ekki 30.000 hektarar heldur rúmlega 22.000, það munar helling og ég spyr, af hverju fer Ögmundur alltaf með rangt mál í sambandi við þetta? er honum einhver hagur af því?  allavega vil ég sjá uppbyggingu í Norðurþingi og ætla að leyfa mér að hafa þá miklu trú á forsvarsmönnum sveitarfélaganna í Þingeyjarsýslu að þeir viti nákvæmlega hvað þeir eru að gera. 

 

 

Komnir á lokastig með Grímsstaði

Sérlegur ljósmyndari Húsavíkur síðunnar fer víða.

Nú er Hörður vinur minn staddur á Vesturlandi með ferðamenn sem hann hefur verið að keyra um landið og auðvitað kíkti hann á berjalyngið, við þekkjum það Húsvíkingar að honum er náttúran hugleikin.  Tel að hér sé komið kjörið tækifæri fyrir mig að kynna okkar frábæru síðu ef enn leynast Húsvíkingar sem ekki hafa frétt af henni. Þið sláið einfaldlega inn husavik.123.is og þar er að finna ógrynnin öll af ljósmyndum sem ég hef safnað saman, bæði gömlum og nýjum.  Við erum líka á facebook með síðu sem heitir Húsavík á árum áður og er hún mjög vinsæl.  Vona að ég sjái sem flesta á Mærudögum sem byrja 27.júlí. 

 

 

 

Þetta er sko mæra 

Fann óvænt ber við Stykkishólm

Réttur hvers einstaklings er að vita uppruna sinn !!

Til hamingju Jakob Frímann, ég samgleðst þér.  Það er hverjum manni nauðsyn að þekkja uppruna sinn. Við hjónin höfum reynslu af svona málum og skipti sköpum fyrir minn mann að vita hverra manna hann í raun er, þótt langt væri liði á ævina.  Þannig var að hann var alla tíð rangt feðrarður með vilja þeirra sem að honum stóðu, þetta hafði mikil áhrif á allt hans líf og breytti í raun öllu.  Samt er þó hægt að segja að "betra er seint en aldrei".  Fyrir rúmum tveim árum fékk hann að vita þetta og fékk þá tvær af nýju systrum sínum í blóðprufu með sér, þar sem faðir hans var látinn.  Reyndar sögðu þeir sem þekktu föður hans að hann þyrfti nú ekkert DNA þar sem hann væri spegilmynd föður síns og svo ótal margt í fari hans sem var gjörsamlega eins, copy/paste eins og sagt er í dag, DNA lætur ekki að sér hæða svo mikið er víst.  Í stað þess að eiga 4 alsystkin og eina hálfsystir á hann núna 14 hálfsystkyni og það besta er að í nýja hópnum fann hann hinn helminginn af sjálfum sér, samsvörun við einstaklinga sem eru eins og hann.  Ég hafði oft á orði í gegnum árin að mér þætti undarlegt að hann væri náskyldur systkinum sínum þar sem hann væri svo gjörólíkur þeim, en ég skrifaði það á sveitauppeldið hjá ömmu hans og afa, en svo kom bara í ljós að hann var genatískt svo lítið skyldur þeim að þetta var eðlilegt. Mig langar bara að brýna fyrir fólki að leyna ekki börn uppruna sínum, þau þjást fyrir það leynt og ljóst þó svo að fólk haldi að svo sé ekki.  Látið ekki syndir feðranna koma niður á börnum ykkar. 

 

 

Jakob Frímann fær lífsýni Davíðs